وحشني اوي ياجدي وحشني همسك وكلامك
وحشني حضنك الدافي وحشني صوتك وسلامك
وحشني نظرة من عينيك وحشني لمسة من ايديك
انا محتاج لحنانك انا مشتاق لاحضانك
مين يقول ما جيش جانبك وانسى نفسي بين ايديك
واجري اترمي في حضنك واخد حناني من عينيك
انا اتعلمت من ديني ان السعادة في قربك
شفت التعصب بيعمل ايه رسم مابينا بلاد وحدود
بعدني عنك وطال الشوق خلى ما بينا جدار وسدود
فين حدوتي يا جدي فين ايامنا السعيدة
فين هدية ميلادي وملابس العيد الجديدة
فين الضحكة والهمسة وبسمتك الحلوة الفريدة
باحلم تجيلي مدرستي واقول ده جدي لاصحابي
رسم لي عصفورة ووردة وطبع لي صورة في كتابي
وعلمني كلمة وغنوة وفتح لي جنة في شبابي
شفت التعصب بيعمل ايه رسم مابينا بلاد وحدود
بعدني عنك وطال الشوق خلى ما بينا جدار وسدود
اذا انت نسيتني ياجدي انا عمري ما حانساك
وكل يوم ادعي اربي اني اشوفك والقاك
ياريت ترجع ايامنا ياريت ترجع ليالينا
ياريت اشوفك ياغالي وتحقق كل احلامنا
أبريل 24, 2008 عند 9:16 م |
الشعر الجميل ده مس قلبي من جوه وخلاني أبكى لأن التعصب فعلا بيخلق حواجز وحدود بين الناس وأنا بعتبر شعرك سيدتى صرخة في وجه التعصب هذا اللى بيحرم الحبايب وخاصة الأهل أنهم يتمتعوا بحلاوة اللمة والقعدة الحلوة والشعور بالحب والطمأنينة. رب قرب المسافات بين هذا الجد وحفيده .